बाँकेको राप्तीसोनारी गाउँपालिकामा परियोजनाको आज समापन कार्यक्रममा उक्त उपलब्धी भएको प्रस्तुतीकरणमा देखाइएको छ । परियोजना संचालन भएपछि विद्यालयको पुर्वाधार मर्मत सम्भार, खानेपानी शौचालयको व्यवस्थापनले विद्यार्थी संख्यामा बृद्धि भएको, दैबी प्रकोप व्यवस्थापनबारे सुरक्षित तथा पुर्व सूचनाबारे ज्ञान भएको, शिक्षकहरुको क्षमता अभिबृद्धि लगायतमा सहयोग पुगेको युनेस्कोका कार्यकारी निर्देशक रवि तुलाधरले बताउनुभयो ।
राप्तीसोनारी गाउँपालिका अन्र्तगत ५४ वटा विद्यालयहरुलाई झण्डै रु ५० लाख बराबरको विभिन्न सहयोग गरिएको थियो । शैक्षिक सामाग्री वितरण, कक्षा कोठा तथा खानेपानी र शौचालय निमार्ण, कुसन, कारपेट लगायत सामाग्री सहयोग, दैवी प्रकोप व्यवस्थापन न्युनीकरण गर्न पुर्व सूचना तयारी कृतिम घटना अभ्यास लगायतको कार्यले सहयोग पुगेको हो ।
कार्यक्रममा राप्तीसोनारी गाउँपालिकाका अध्यक्ष लाहुराम थारुले राज्यले गर्न नसकेको काम गैरसरकारी संस्थाले गरेकोमा प्रशंसा गर्दै आगामी दिनमा समन्वय गरि थप कार्यक्रम संचालन गर्ने बताउनुभयो । उहाँले समुदायमा विकास निमार्ण अन्र्तगत सडक, नाली, खानेपानी मात्र नभई शिक्षाको गुणस्तरियताका लागि विद्यालयहरुमा गरिएको विभिन्न सहयोगले फाइदा भएको बताउनुभयो ।
कार्यक्रममा युनेस्कोका अध्यक्ष प्रबेज अली सिद्दिकी, बरिष्ठ सल्लाहकार निरज गौतम, कार्यकारी निर्देशक रवि तुलाधर लगायतले परियोजनाका बारेमा आ–आफनो धारणा राख्नुभएको थियो । त्यस अवसरमा युनेस्कोका वरिष्ठ कार्यक्रम संयोजक साजिद अली सिद्दिकीले परियोजनाको क्रियाकलाप, फाइदा, उपलब्धी, समस्या र चुनौतीबारे जानकारी गराउनुभएको थियो ।
0 comments:
Post a Comment